Gjykata e Rrethit Gjyqësor Fier ka pezulluar nga puna dy mjekë të Urgjencës së Spitalit Rajonal Fier dhe ka dhënë detyrim paraqitje për një tjetër.
Dy mjekët e pezulluar nga puna, janë emra të njohur të urgjencës së Fierit, Bledi Dhespollari dhe Emiljano Myrtaj, ndërsa detyrim paraqitje është vendosur për kardiologun Viktor Gjini.
Ky urdhër për pezullimin e mjekëve ka ardhur pas vendimit të Gjykatës Fier dhe denoncimit të familjareve të një 43-vjeçari, i cili ndërroi jetë në dhjetor.
Familjarët e Besnik Ramaj akuzuan mjekët për mos dhënin në kohë të ndihmës mjekësore dhe të shërbimit të duhur.
