Bilanci i viktimave nga tërmeti i dyfishtë që goditi Venezuelën ka shkuar në 235. Autoritetet paralajmërojnë se numri pritet të rritet, pasi dhjetëra persona rezultojnë ende të bllokuar nën rrënoja. Ekipet e shpëtimit vazhdojnë të gërmojnë në Karakas dhe në La Guaira, një nga zonat më të goditura.
Dy tërmetet, me magnitudë 7.2 dhe 7.5 ballë të shkallës Rihter, goditën vendin me vetëm 39 sekonda diferencë. Si rrjedhojë u shkaktuan shembje masive ndërtesash, zjarre, ndërprerje të energjisë elektrike dhe dëme të mëdha në infrastrukturë. Që nga goditja e parë janë regjistruar më shumë se 20 lëkundje pasuese. Zonat më të goditura janë La Guaira dhe Morón, ku ekipet e shpëtimit vijojnë kërkimet mes rrënojave, shpesh duke gërmuar me duar për shkak të mungesës së makinerive të rënda.
Qeveria venezueliane ka shpallur gjendjen e jashtëzakonshme dhe ka njoftuar se ndihma ndërkombëtare nga SHBA, Spanja, Meksika dhe Katari është nisur drejt vendit. Ndërkohë, lëkundjet pasuese vijojnë të vështirësojnë operacionet e kërkim-shpëtimit, ndërsa mijëra banorë kanë mbetur pa strehë, ujë të pijshëm dhe ushqime.
