Fabulisti i njohur Ferit Lamaj ka shkruar shumë për fëmijët. Prej vitesh ai jeton jashtë vendit, por mesa duket nuk i lë pas dore zhvillimet në Shqipëri. Siç ndodh normalisht në një fabul ai përdor kafshë dhe shpendë për të paralelizuar fenomene apo njerëz. Lamaj ka shkruar edhe një fabulë për protestat më të fundit të studentëve. Ngjarjet i ka vendosur në një kotec pulash ku ka kryengritje ndërsa kryeministrin e quan “kryedhelpra” dhe Kryeministrinë “kryedhelpëri”.
Protestë
Pula, Gjela kyçën klasën.
Me nder jush, ia bënë glasën.
Nis protesta mizëri
mu në Kryedhelpëri:
– “Ka, ka, ka” e “Ki, ki, ki”,
prano pikat: një, dy, tri, …!
Kryedhelpra qafën zgjat:
– Po ju pres të bëjmë debat!
– Jo, jo, fare, – flet më trimi, –
humbi shpresa dhe besimi!
– “Ki, ki, ki” e “Ka, ka, ka”,
qaje, ndrikull, debat s’ka! –
ngulin këmbë porsi mushka.
Atëherë Dhelpërushka,
që debati të mos ngecë,
u shkon fill e në kotec…
