Prokuroria e Tiranës në kuadër të hetimeve për kontratat e lobimit të PD, ka dërguar letër porosi në Skoci të Mbretërisë së Bashkuar.
Mësohet se ky veprim i Prokurorisë ka ardhur pasi kompanisë që dyshohet se ka lobuar për PD-në në SHBA, është e regjistruar në këtë vend.
Kujtojmë që më herët Prokuroria ka dërguar dhe letërporosi në SHBA, por kompania “Biniat”a ka pasur aktivitetin e saj në Skoci.
Partia Demokratike po hetohet për kontrata lobimi me kompania të huaj të cilat dyshohet të jene të lidhura me oligarkë rusë të cilat i mundësuan Bashës foton me Trump gjatë vizitës së tij vitin e kaluar.
Çështja e lobimit të PD, u bë publike pas një investigimi nga revista Amerikane “Mother Jones”, e cila hodhi dyshime për lobime me oligarkë rusë. Më herët prokuroria dërgoi letërporosi në SHBA për Nick Muzin.
