Deputetja e Partisë Socialiste, Sara Mile është paraqitur paraditen e kësaj të mërkure në Prokurorinë e Posaçme kundër Korrupsionit dhe Krimit të Organizuar (SPAK).
Deputetja e re ka mbërritur e vetme në ambientet e institucionit. Kujtojmë që opozita e ka akuzuar vazhdimisht deputeten socialiste të qarkut të Elbasanit se e ka siguruar mandatin përmes mbështetjes nga krimi i organizuar. Sara Mile doli deputete nga zgjedhjet parlamentare të 11 majit 2025.
Burime të sigurta kanë deklaruar se Mile është thirrur në Prokurorinë e Posaçme, pasi po hetohet nga prokurori Bledar Maksuti me dyshime për korrupsion në zgjedhje. Deputetja e qarkut të Elbasanit, sot në SPAK është thirrur në rolin e deklarueses. Ndërsa është paraqitur në SPAK, Mile nuk ka bërë asnjë koment për gazetarët.
