Një gomone që transportonte një ton kanabis u kap në Itali, pas një operacioni të përbashkët të policisë shqiptare me autoritetet italiane. Operacioni nisi pasditen e djeshme kur u ndalua një gomone në zonën e Leçes.
"Trafikantët gjatë ndjekjes me helikopterë të Frontex dhe mjete detare, e hodhën drogën në det por ajo u rekuperua nga Guardia di Finanza e Salentos. Afër brigjeve italiane skafistët u përpoqen të largoheshin dhe u hodhën në det. Forcat italiane kanë arrestuar shtetasin M.Nazëraj 34 vjeç, nga Fieri dhe shpallur në kërkim bashkëpunetorin e tij" njofton policia, që nuk jep më shumë detaje për shkak të sekretit hetimor.
