Nga Shkodra, ku kanë shkuar për të mbështetur 11 kuksianët e arrestuar, deputetët e PD-së kanë dalë në media për të kërkuar lirimin e protestuesve. Duke folur për gazetarët, Ervin Salianji mori frazën e Ed Ramës, të përsëritur nga Samir Tahiri duke thënë se këta protestues janë bij nënash të pafajshëm, ndërsa disa bij k*** janë në parlament.
"Këtu janë 11 bijë nënash të cilët janë në burg padrejtësisht. Ndërkohë ca bij të tjerë pavarësisht parave që kanë bërë bëjnë si të ndershëm në mes të parlamentit. Ata që flasin si bij k***, Saimir Tahiri, Edi Rama. Punë k*** është bërë kjo punë. Ndërsa këta janë në hall të vet, për 13 mijë lekë për të hyrë në shtëpi. Ne do jemi përherë në ndihmë të qytetarëve" u shpreh Salianji.
