Policia ka goditur një tjetër rast të shpërndarjes së drogave të forta në doza të vogla. Specialistet e Seksionit për Hetimin e Narkotikëve në D.V.P Elbasan bënë arrestimin në flagrancë të shtetasit: Juli Sinani, 24 vjeç banues në Elbasan.
Arrestimi i tij u bë pasi gjatë kontrollit të ushtruar nga forca e posaçme, “Shiponja”, në ambientet e një lavazhi i cili ishte në posedim të këtij shtetasi në lagjen “Emin Matraxhiu”, është gjetur dhe sekuestruar në cilësinë e provës materiale 2 doza lëndë narkotike e dyshuar si kokainë.
