Kreu i Bashkisë së rrogozhinës, Beqir Nuredini, të cilit iu bllokua pasaporta dhe iu ndalua dalja jashtë vendit pasi akuzohet për shpërdorim detyre, deklaroi se i mbështet hetimet lidhur me abuzimet me pronat dhe kërkoi që autorët të vihen para përgjegjësisë.
“Mbështes hetimet. Autorët të vihen para përgjegjësisë. Unë kam zbatuar procedurën që parashikon ligji. Zbatova ligjin për regjistrim fillestar të pronave. I gatshëm gjatë hetimeve vura në dispozicion dokumentet”.
Për çfarë akuzohet kryebashkiaku Beqir Nuredini, pëfaqësues i PDIU-së?
Dyshohet se ka konsumuar elementët e veprës penale të “Shpërdorimit të detyres”, vepra penale të parashikuar nga neni 248 te Kodit Penal, masa e sigurimit e “Ndalimi i daljes jashtë shtetit” që parashikohet nga neni 233 i K. Pr. Penale dhe masa e “Detyrimit për t’u paraqitur në policinë gjyqësore”, që parashikohet nga neni 234 i K. Pr. Penale.
