Edhe pse ekspertët këshillojnë që pas ndarjes duhet të ndërpresim edhe kontaktin me ish-partnerin, shkencëtarët e Universitetit të Arizonës thonë të kundërtën.
Një hulumtim i bërë ka treguar që seksi me ish-partnerin të çliron nga stresi i shkaktuar nga ndarja. Nga rezultatet e publikuara në “Journal of Social and Clinical Psychology”, 21,9% e pjesëmarrësve pranuan se kanë pasur marrëdhënie seksuale me ish-partnerin pas ndarjes. Sipas studimit rezulton se gjendja mendore, shpirtërore dhe emocionale e atyre që kishin pasur kontakte me ish- partnerët, ishte më e mirë se e të tjerëve.
Sipas studiuesve, diçka e tillë vjen pasi intimiteti ndihmon për të zbutur pasojat e dhimbshme dhe të papëlqyeshme të një ndarje.
