Andrew Hall nga Shtetet e Bashkuara ka humbur shtatë dhëmbë dhe ka pësuar djegie të shkallës së dytë në faqe, pasi cigarja elektrike i shpërtheu në gojë.
Hall po përgatitej të shkonte në punë në shtëpinë e vet në Pocatello, Idaho, kur cigarja elektrike i shpërtheu në gojë, transmeton Express.
Cigarja u shpartallua në copa në gojën e tij, duke ia nxjerrë dhëmbët dhe djegur fytyrën dhe qafen.
Ai ka publikuar fotografi nga spitali ku është duke u shëruar pas këtij incidenti.
Kjo nuk është hera e parë që përdoruesit e cigareve elektrike e pësojnë nga shpërthimi i tyre.
