Ndërkohë që i shoqi përgjërohej për të mbrojtur vlerat e PS-së duke u grindur me Blushin në Elbasan, gruaja e Taulant Ballës shijonte sharmin e pavdekshëm të Romës. Ndërkohë që Taulanti përgjërohej për partinë, Irisi (e para në foto majtas) po shijonte një nga restorantet më me emër të Romës, Antico Arco, ku shef kuzhine është i njohuri Fundim Gjepali (djathtas). Gruaja e Ballës është bërë edhe më parë e njohur për jetën luksoze, çantat dhe këpucët e shtrenjta për të cilat shpenzon pa masë, dhe këtij gjerdani nuk mund ti mungonin edhe restorantet me emër në Romë. Megjithatë, liria që i ka dhënë largimi, njëkohësisht për punë e turizëm i bashkëshortes, nuk e ka penguar Ballën që pas sherrit me Blushin të ulet dhe të bëjë një shkrim për turizmin e Benit në PS. Ja seç ka shkruar deputeti i Librazhdit:
"Do të kishte qenë mirë që Blushi të kishte ardhur këtu dhe të ushtronte detyrën e tij të deputetit që në ditën e parë kur filluan mbledhjet e organizatave, kur filluan anëtarësimet e reja në PS, kur u mblodhën të gjitha propozimet sipas kritereve."
