Nëse nuk keni shumë para, por nuk doni të hiqni dorë nga udhëtimet thjesht zgjidhni destinacionin e duhur dhe më ekonomik. Për këtë ju vjen në ndihmë një guidë me disa destinacione të krijuar nga kompania turistike britanike “ Rough Guide”. Për plazhet ju sugjeron që të zgjidhni Shqipërinë, ndërsa për t’iu larguar zhurmave Kosovën. Ja disa nga sugjerimet:
Për ushqim: León, Spanjë
Në rrethinat afër katedrales së qytetit León, shërbehet tapas falas me çdo lloj pijeje. Nuk është asnjë e pazakontë për Spanjën, por nëLéon kjo ndodh kaq natyrshëm.
Një gotëRioja e shkëlqyer kushton më pak se 1.50 euro dhe shoqërohet me një porcion ushqimi të bollshëm.
Për plazhet: Shqipërinë
Riviera shqiptare është bujare, ende e pa ekploruar në tërësinë e saj dhe afër brigjeve të Mesdheut. Brigjet e mrekullueshme harkohen nga malet lehtësisht të arritshme, një “Mekë” turistike. Për një udhëtim me pamje të paharrueshme zgjidhni të kaloni nga Vlora përgjatë qafës së Llogarasë, një rrugë që tëçon drejt brigjeve me ujë në ngjyrë torkuaz të detit Jon.
Për jetën e natës: Krakov, Poloni
Thuhet se qyteti polak i Krakovit ka numri më të lartë tëpub-ve për kilometër katrorë në botë. Edhe nëse nuk është fakt, atëherëështë ndjesi. Qyteti i Vjetër dhe Kazimierz (lagje hebreje) janë të mbushura me atmosferë muzike dhe vodka.
Për t’i ‘izoluar’: Kosovën
Ky është një “qoshkë” e bukur e Ballkanit, ku mund të shmangni turmat turistike. Vetëm në vitet e fundit vizitorët filluan të rizbulojnë malet e thyer të Kosovës, arkitekturën mahnitëse otomane, manastiret mesjetare që janë trashëgimi botërore.
Për shërbimet Spa: Budapest, Hungari
Budapesti është i vetmi kryeqytet në botë i ndërtuar mbi burimet natyrore termike.
Edhe pse mundësitë luksoze ekzistojnë, shtëpitë karakteristike ofrojnënjë përvojë tjetër kulturore. Në Szechenyi Banja do të shohni burra me mustaqe duke luajtur shah në anën e një pishine me avull. /Marrë nga Monitor
