Bleona bëri debutimin e saj si anëtarja më e re e jurisë së X Factor dhe ashtu siç pritej, veshja e saj, i la shumë pak imagjinatës... Dekolteja e ekzagjëruar, tregoi edhe një herë se këngëtarja 36-vjeçare, vazhdon t'i përmbahet standardit të vendosur tashmë; lakuriqësisë si arma e saj më e fortë. Bleona tregoi gjatë mbrëmjes se fustani i zi me lule të qëndisura ishte krijim i stilistes Mirela Nurçe, ndërsa duke i dhënë vlera të shtuara produksionit, që tek e fundit aksidentalisht e zgjodhi, ajo tha: "Kam ardhur të jap eksperiencën time amerikane në muzikë, që këto talente të mos bëjnë gabimet që ne kemi bërë dikur".
Më fal, por Bleonës duhet dikush t'i kujtojë, se shumica e konkurrentëve në X Factor janë minorenë dhe ajo çfarë pretendon "këngëtarja" t'i japë këtij brezi, nuk duhet të jetë kurrësesi modeli i saj lakuriq.
