Nëse pak ditë më parë ju shfaqëm një inskenim të pakuptimtë të shoqërimit të një personi në policinë e Durrësit, (rubrika lajme e lapsi.al) sot po ju njohim me një njoftim krejt origjinal të policisë së Durrësit. Në komunikatën për kapjen dy të rinjve që kishin të tentuar të vjedhin me dhunë një pikë bastesh, që në krye të saj thuhet se policia i arrestoi ata "pas një pune të palodhshme dhe me sukses". Edhe po të mos e kishte shprehur me fjalë, kapja e dy grabitësve përbën sukses. Ndaj duket e panevojshme që kjo të theksohet, edhe për vetë faktin se kur dështon kapja e ndonjë krimineli, në komunikatë lajmërohet vetëm se ai është në kërkim dhe jo se ai është ende i lirë pas një pune "të dështuar e të lodhshme të policisë". Por gjithësesi, meqë puna ishte e suksesshme, policia e Durrësit mund t’u kishte thënë fare mirë në këtë komunikatë policëve të saj edhe “bravo çuna”.
Komunikata:
“Komisatiati i Policise Durres, pas nje pune te palodhshme dhe me sukses beri te mundur qe brenda nje kohe te shkurter te ndaloje shtetasit në kërkim policor: 1-Mateus Enver Haku 21 vjec banues në lagjen Nr 13 Durrës.2-Juljan Baftjar Malasi 20 vjec banus në Lagjen 14 Durrës,sepse më datë 09.02.2014 ora 22.50 në Durrës kanë tentuar të vjedhin me dhunë xhiron ditore në lokalin Pikë Bastes pronë e shtetasit Ë.Y 39 vjec, banues në Durrës.Këta persona janë shpallur në kërkim me Shkresën Ekstra datë 10.02.2015.Materialet do i referohen Prokurorise Durres bazuar ne Nenin 139 e 25 dhe 22 K.Penal.
