Flash

PD i kërkon Peleshit ngritjen e Komisionit Hetimor për zgjedhjet e 11 majit: Kuvendi nuk zbaton vendimin e GJK

Lapsi.al 26 September 2026

Grupi parlamentar i Partisë Demokratike i ka kërkuar kryetarit të Kuvendit, Niko Peleshi, të nisë menjëherë procedurat për ngritjen e Komisionit Hetimor mbi përdorimin e burimeve shtetërore në zgjedhjet e 11 majit 2025.

Kreu i grupit demokrat, Gazment Bardhi, i është drejtuar Peleshit me një letër zyrtare, duke iu referuar vendimit të Gjykatës Kushtetuese që detyron Kuvendin të ngrejë komisionin hetimor. Kushtetuesja shfuqizoi vendimin e mëparshëm të Kuvendit që kishte refuzuar ngritjen e tij. 

Sipas PD-së, vendimi ka hyrë në fuqi që në korrik, por Kuvendi ende nuk ka nisur procedurën për zbatimin e tij. Bardhi argumenton se çështja duhej të ishte marrë në shqyrtim brenda 30 ditëve nga Këshilli i Legjislacionit.

“Prej më shumë se dy muajsh jeni duke shkelur nenin 132 të Kushtetutës”, thuhet në letrën drejtuar Peleshit.

Opozita e akuzon kryetarin e Kuvendit për vonesë të pajustifikuar dhe thotë se moszbatimi i vendimit cenon të drejtat kushtetuese të pakicës parlamentare. Gjykata Kushtetuese vendosi më 1 qershor se kërkesa për komisionin mbi përdorimin e burimeve të administratës shtetërore për qëllime elektorale plotësonte kriteret kushtetuese dhe se Kuvendi kishte detyrimin ta ngrinte atë. Në fund të letrës, PD kërkon nga Peleshi marrjen e masave të menjëhershme për zbatimin e vendimit.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

20°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI