Flash

Një telefonatë i ndau për dekada, Christina Ricci rrëfen konfliktin me Cher

Lapsi.al 18 November 2026

Një telefonatë i ndau për dekada, Christina Ricci rrëfen

Christina Ricci ka zbuluar arsyen e marrëdhënies së ftohtë me këngëtaren dhe aktoren Cher, e cila prej gati 30 vitesh nuk komunikon me të.

Gjatë një interviste në emisionin “Watch What Happens Live with Andy Cohen”, Ricci tregoi se gjithçka nisi kur ajo ishte 19 vjeçe, pas një interviste të publikuar në një revistë, ku Cher kishte bërë disa komente jo shumë pozitive për të.

Sipas aktores, Cher më pas ishte përpjekur të sqaronte situatën përmes një mesazhi zanor, duke i shpjeguar se gazetarët shpesh përpiqen të nxjerrin në pah deklaratat më negative dhe se ajo nuk kishte pasur qëllim ta lëndonte.

Megjithatë, Ricci pranoi se në atë kohë ishte vetëm 19 vjeçe dhe nuk ia kishte kthyer telefonatën.

Ajo beson se pikërisht ky veprim mund të ketë shkaktuar përçarjen mes tyre.

“Fatkeqësisht, ajo është ende e zemëruar me mua. Ajo mban mëri”, u shpreh aktorja.

Ricci tregoi gjithashtu se ka tentuar të kontaktojë me Cher edhe vite më vonë, por nuk ka marrë asnjë përgjigje.

Pavarësisht kësaj, aktorja nuk i fshehu ndjenjat e mira që vazhdon të ketë për të.

“Unë e adhuroj. Ajo është e mrekullueshme. Mund ta imagjinoj plotësisht veten në vendin e Cher. Nëse do të më kishin keqinterpretuar dhe do të telefonoja një vajzë të re për t’ia shpjeguar, e ajo nuk do të ma kthente telefonatën, do të isha shumë e zemëruar. E kuptoj”, tha Ricci.

Në fund, ajo iu drejtua drejtpërdrejt këngëtares përmes kamerave: “Të dua, Cher. Të dua shumë”.

Christina Ricci dhe Cher luajtën së bashku në filmin “Mermaids” të vitit 1990, ku këngëtarja interpretonte nënën e personazhit të luajtur nga Ricci.

Aktorja ka folur edhe më parë me admirim për Cher, duke treguar se ajo e kishte mbështetur dhe marrë nën kujdes gjatë xhirimeve, kur Ricci ishte ende fëmijë.

Të këshilluara

Grammy 2027: Lista e nominimeve

Së fundmi janë shpallur nominimet për edicionin e 69-të të çmimeve Grammy, duke sjellë surpriza, rekorde historike dhe dis...

18:29

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

21°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI