Flash

Mbappé është kapiten, por qesh në stol ndërsa shokët e skuadrës humbasin: në TV e kryqëzojnë

Kylian Mbappé nuk luajti kundër Italisë për shkak të një dëmtimi. Ai qëndronte në stol dhe qeshte. Ishte pak i përfshirë edhe gjatë ekzekutimit të himneve kombëtare.

Lapsi.al 18 November 2026

Mbappé është kapiten, por qesh në stol ndërsa

Kylian Mbappé nuk luajti kundër Italisë për shkak të një dëmtimi. Ai qëndronte në stol dhe qeshte. Ishte pak i përfshirë edhe gjatë ekzekutimit të himneve kombëtare. Dukej i painteresuar, sikur të ishte një nxënës në ditën e fundit të shkollës, përpara se të binte zilja e përfundimit të mësimit. Ndodhej aty, vetëm dy metra larg shokëve të skuadrës, të cilët në fushë po pësonin golat e Italisë në ndeshjen e Ligës së Kombeve. Pranë tij ishte Marcus Thuram, po aq i relaksuar. Të dy mbanin telefonat në duar dhe argëtoheshin. Kaq mjaftoi: një plan televiziv prej pak sekondash shkaktoi një stuhi reagimesh në Francë. Sepse për Mbappé ishte folur edhe në prag të ndeshjes, për shkak të mosmarrëveshjeve me Zidane. Sepse Mbappé nuk është një futbollist dosido, por kapiteni i skuadrës. Dhe mbetet i tillë edhe kur nuk luan. Sepse, nëse pas një ndeshjeje të humbur në atë mënyrë (3-1, pas një pjese të dytë nën nivelin e duhur), shkon në dhomat e zhveshjes, ndërron rrobat dhe largohesh menjëherë, vetëm sa e përforcon atë përshtypje.

Rothen nuk e kritikon për buzëqeshjen, por për atë që ajo përfaqëson

Jerome Rothen, në RMC, nuk tha se “nuk duhej të qeshte”. Ai vuri në dukje diçka më serioze: “Që kapiteni të mos shqetësohet aspak, që të qeshë ndërsa Franca pëson tre gola nga Italia… Është tronditëse”. Ish-futbollisti, sot analist, ka të drejtë kur ngre këtë problem, por rreziku qëndron te reduktimi i gjithçkaje vetëm te buzëqeshja, pasi kjo mund të jetë çorientuese. Një fotografi apo një pamje e shkurtër televizive nuk të tregojnë arsyen përse Mbappé po qesh. Ndoshta Thuram i ka treguar një meme apo diçka tjetër. Mund të ndodhë. Çështja, megjithatë, është kjo: kur mban shiritin e kapitenit, nuk ke përgjegjësi vetëm kur luan, por edhe kur e ndjek ndeshjen nga jashtë fushës.

Mbappé është kapiten, por qesh në stol ndërsa

Të jesh më i miri nuk do të thotë të jesh pikë referimi në dhomat e zhveshjes

Dhe pikërisht këtu polemika e ngritur nga Rothen bëhet interesante. Mbappé është padyshim një futbollist shumë i fortë, një kampion që mund të vendosë fatin e një ndeshjeje me një veprim të jashtëzakonshëm. Por kjo nuk të bën automatikisht pikë referimi brenda dhomave të zhveshjes. Janë dy gjëra të ndryshme, është dallimi mes autoritetit dhe autoritetit të fituar përmes respektit. Të parin ta japin edhe golat. Të dytin duhet ta fitosh kur nuk shënon.

Në “San Siro”, Mbappé nuk ishte i detyruar të këndonte himnin kombëtar. Këtë e ka theksuar edhe vetë Rothen: “Ky nuk është problemi. Në Francë, shumë lojtarë nuk e këndojnë”. Dhe kjo nuk do të thotë se nuk e respekton vendin tënd, apo se je më patriot nëse e këndon me zë të lartë. Po ashtu, nuk ishte e nevojshme të shfaqej i zemëruar përpara kamerave, për t'u treguar të gjithëve se e përjetonte ndeshjen. Me pak fjalë, nuk duhej të shtirej. Duhej vetëm të kuptonte një gjë të thjeshtë: edhe me tutat e stërvitjes, në stol, me telefonin në dorë, ti përfaqëson Francën. Duhet të ruash një sjellje të caktuar, sepse je një simbol. Dhe nuk mund të kapesh duke qeshur kur skuadra jote po luan keq, është në vështirësi ose, më keq akoma, po humbet. Jo sepse kjo është e ndaluar. Por sepse është e pamend të sillesh kështu përpara 70 mijë njerëzve dhe njëzet kamerave. Kaq.

Mbappé është kapiten, por qesh në stol ndërsa

Franca nuk i kërkon vetëm gola, por edhe të jetë i pranishëm

Franca e ka zgjedhur Mbappén si kapiten sepse ai përfaqëson të tashmen dhe të ardhmen. Por fama nuk shndërrohet vetvetiu në autoritet. Dhe talenti nuk të bën lider vetëm sepse je më i miri në grup. “Duhet të kesh një sjellje të caktuar – vijon Rothen. – Kjo është pjesë e respektit për vendin tënd. Në Itali, në San Siro, Kylian Mbappé e di se do të jetë në fokus të kamerave. Që kapiteni të nxjerrë telefonin gjatë ndeshjes, të mos i interesojë asgjë dhe të qeshë ndërsa Franca pëson tre gola nga Italia… Po, është tronditëse!”.

Kur Franca fiton, është e lehtë të jesh simboli i saj dhe të dalësh përpara për ta përfaqësuar. Kur Franca humbet në “Meazza”, shihet nëse je vërtet aty. Dhe kjo nuk ka të bëjë me ndalimin e buzëqeshjeve, por me praninë dhe përgjegjësinë.

 

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

20°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI