Kryeministri izraelit, Benjamin Netanyahu planifikoi të niste sulme ajrore kundër Iranit në fillim të këtij muaji, por Presidenti i SHBA-së Donald Trump kundërshtoi rindezjen e armiqësive para zgjedhjeve të mesit të mandatit në Shtetet e Bashkuara, sipas Financial Times. Tre burime i thanë gazetës se Forcat e Armatosura Izraelite (IDF) ishin të përgatitura të kryenin sulme në fundjavën e 10 tetorit, duke synuar objektet bërthamore dhe të regjimit iranian, si dhe infrastrukturën civile, duke përfshirë termocentralet energjetike.
Megjithatë, sipas burimeve, Trump ka vendosur të mos e rizgjojë konfliktin para zgjedhjeve të mesit të mandatit në SHBA, të cilat janë planifikuar për 3 nëntor. Të njëjtat burime raportojnë se sulmet e planifikuara do të jenë më intensive se ato të nisura bashkërisht nga SHBA-të dhe Izraeli në shkurt. Raporti vjen dy ditë pas raportimeve se Sekretari i Mbrojtjes i SHBA-së, Pete Hegseth, bëri një vizitë sekrete në Izrael dhe u takua me Netanyahun për të diskutuar “kërcënimet në rajon”.
