Sot do të zhvillohet seanca e parë në themel për gjyqin ndaj Erion Veliajt. Seanca është planifikuar të nisë në orën 09:30. Trupi gjykues do të kryesohet nga gjyqtarja Ëngjëllushe Tahiri, ndërsa anëtare do të jenë gjyqtaret Alma Kodraliu dhe Rudina Palloj.
Më 9 shkurt, Gjykata e Posaçme Kundër Korrupsionit dhe Krimit të Organizuar vendosi kalimin për gjykim të çështjes ndaj Veliajt dhe 28 personave të tjerë të përfshirë në të njëjtën dosje. Kryebashkiaku i Tiranës ndodhet prej më shumë se një viti në paraburgimin e Burgut të Durrësit, pasi Struktura e Posaçme Kundër Korrupsionit dhe Krimit të Organizuar ka ngritur ndaj tij 13 akuza që lidhen me pesë vepra të rënda penale.
