Flash

SPAK dhe BKH godasin call center-in: 8 të arrestuar, 3 në kërkim

Lapsi.al 17 January 2026
SPAK dhe BKH godasin call center-in: 8 të arrestuar, 3 në kërkim

Prokuroria e Posaçme kundër Korrupsionit dhe Krimit të Organizuar (SPAK), në bashkëpunim me Byronë Kombëtare të Hetimit (BKH), përfundoi operacionin në dy pallate në Tiranë, ku zhvillohej aktivitet i dyshuar i call center‑ave. Mësohet se janë arrestuar 10 persona, ndërsa janë shpallur në kërkim nga SPAK, 3 vëllezërit, Alfred, Agim dhe Arjan Prekaj. Një prej tyre, Alfred Prekaj, rezulton pronar i kompanisë “Balkanspro” me objekt call Center, Telemarketing.

Gjatë kontrolleve u sekuestruan kompjuterë dhe portofole kriptomonedhash. Ato dyshohet se lidhen me mashtrimin e qytetarëve të Bashkimit Europian. Mësohet se ky grup përdorte një skemë të mirë menduar për të humbur gjurmët, duke ndërruar herë pas herë ambientet me qira ku ushtronte aktivitetin e paligjshëm. Skema bazohet në telefonata që përmes një investimi fillestar 250 euro, premtonte fitime të lehta dhe platforma digjitale që simulojnë investime në situata të cilat në fakt nuk ekzistojnë.

Hetimet kanë pasur si indicie edhe një investigim të bërë nga emisioni italian “Le Lene”. Ekipi kishte infiltruar një person, i punësuar si operator në një call center që ndodhej në katin e 13 të kullës ‘4Ever Green Tower’, pranë Gjykatës së Lartë në qendër të Tiranës. Por kur zbarkoi BKH dhe policia, aktiviteti i paligjshëm ishte zhdukur.

Sipas investigimit italian, i përfshirë në këtë rrjet është edhe një polici italian. Ai rekrutonte të rinj në Itali. Më pas ata dërgoheshin për të punuar si operatorë në call centerat mashtruese në Tiranë, dhe disa shtete të tjera.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

12°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI