Flash

Vjedhje dhe dr*gë në Durrës e Kavajë, policia aksion në terren

Lapsi.al 17 January 2026
Vjedhje dhe dr*gë në Durrës e Kavajë, policia aksion në

Gjatë ditëve të fundit, autoritetet në Durrës dhe zonat përreth kanë ndërmarrë një seri veprimesh ligjore ndaj individëve të dyshuar për vjedhje, shkelje të masave sigurie, trafik droge dhe shpërndarje të materialeve intime të paautorizuara. Shumë prej tyre janë arrestuar në flagrancë, ndërsa për disa raste procedurat janë referuar në prokurori për veprime të mëtejshme.

NJOFTIMI I POLICISE:

Specialistët për Hetimin e Krimeve të Stacionit të Policisë Plazh ndaluan shtetasin D. K., 38 vjeç, banues në Durrës, i cili ishte i shpallur në kërkim më datë 11.01.2026, për veprën penale “Vjedhja”. Ndaj tij ka kallëzuar shtetasi B. D, se i ka vjedhur disa pajisje elektrike në magazinën e tij.

Nga hetimet e kryera rezulton se ky shtetas dyshohet si autor edhe i një vjedhjeje tjetër më datë 16.01.2026, në lagjen nr. 13, pasi ka kallëzuar shtetasi A. B, se ky shtetas i kishte marrë një shumë parash dhe ishte larguar me vrap.

Specialistët për Hetimin e Trafiqeve ndaluan shtetasin O. B., 31 vjeç, banues në Durrës. Gjykata e Shkallës së Parë të Juridiksionit të Përgjithshëm Korçë ka dërguar për ekzekutim vendimin penal të datës 23.05.2025, ku i ka mbetur pa vuajtur dënimi prej një viti e dy muajsh për veprën penale “Ndihmë për kalim të paligjshëm të kufijve”.

Specialistët për Hetimin e Narkotikëve arrestuan në flagrancë shtetasin E. K., 38 vjeç, banues në Durrës. Më datë 16.01.2026 është konstatuar nga shërbimet e DVP Elbasan, në fshatin Karinë, Peqin, se duke drejtuar automjetin nën ndikimin e alkoolit, kishte pësuar aksident rrugor.

Nga hetimet e kryera rezulton se 38-vjeçari ka thyer masën e sigurisë “arrest në shtëpi”, të vendosur nga Gjykata e Durrësit më datë 19.01.2024, për veprën penale “Prodhimi dhe shitja e lëndëve narkotike”. Gjithashtu, referuan materialet në Prokurori, ku nisi procedimi penal për shtetasin A.Ll., 31 vjeç, banues në Kavajë, pasi gjatë kontrollit fizik iu gjet dhe iu sekuestrua një sasi e vogël e dyshuar lënde narkotike, kokainë.

Specialistët për Hetimin e Krimeve Kibernetike referuan materialet në Prokurori, ku nisi procedimi penal për një 17-vjeçar, pasi dyshohet se ka shpërndarë foto intime të një 14-vjeçareje në rrjete sociale.

Specialistët për Hetimin e Krimeve të Komisariatit të Policisë Kavajë referuan materialet në Prokurori, ku nisi procedimi penal për shtetasit Sh. B., 37 vjeç, dhe E. K., 36 vjeç, banues në Kavajë, pasi janë konstatuar duke depozituar dy kamionë me rërë në afërsi të detit, në Qerret, pa lejen e organeve kompetente.

Më datë 16.01.2026, në Komisariatin e Policisë Durrës është paraqitur shtetasi N. H., 68 vjeç, banues në Durrës, i cili ka bërë kallëzim për largimin nga banesa të djalit të tij, shtetasit E. H., 38 vjeç. Punohet për gjetjen e tij dhe sqarimin e rrethanave të rastit.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

12°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI