Flash

Ekzekutimi dhe djegia e i ndërtuesit shqiptar në Greqi ende mister për Policinë

Lapsi.al 11 November 2025
Ekzekutimi dhe djegia e i ndërtuesit shqiptar në Greqi ende mister

Ekzekutimi i ndërtuesit shqiptar, 27-vjeçarit Sulo Halili nga Tepelena, i cili u gjet i lidhur në pranga, i vrarë dhe i djegur brenda një makine të vjedhur në Skourta, Beoti, mbetet një mister për policinë e Greqisë.

Familjarët kishin njoftuar humbjen e tij prej datës 4 nëntor, tre ditë para se një bari i zonës të njoftonte për makinën e djegur dhe brenda saj të gjendej i riu nga fshati Beçisht.

Hetimi i Departamentit të Vrasjeve është në kulmin e hetimeve të tij, pas rezultateve të testit të ADN-së, i cili zbuloi se viktima është ndërtuesi 27-vjeçar shqiptar i zhdukur nga Halkida.

Autoritetet thanë se Halili është një banor i Halkidës, i martuar dhe pa fëmijë, i cili ishte raportuar i zhdukur që nga 4 nëntori. Para zhdukjes ai kishte telefonuar familjarët që po shkonte për në banesë.

Zëdhënësja e Policisë Helenike, Constantia Dimoglidou, deklaroi se viktima nuk ishte i njohur për policinë, pasi nuk kishte precedentë të regjistruar.

“Ai nuk kishte qenë shqetësim për Policinë Helenike në të kaluarën”, tha ajo.

Pyetja thelbësore është se kush dhe pse vrau pa mëshirë një ndërtues të ri dhe i pa skeduar penalisht. Autoritetet po përpiqen ta zgjidhin krimin duke profilizuar viktimën. Pista e mundshme mbetet ajo e ndonjë konflikti apo hakmarrjeje.

Konkretisht, ata po kërkojnë të zbulojnë nëse ai kishte ndonjë mosmarrëveshje me dikë dhe nëse ishte kërcënuar. Policia po shqyrton gjithashtu postimet në profilin e tij personal në TikTok dhe aplikacione të tjera, për të përcaktuar me kë po fliste dhe nëse kishte ndonjë takim në ditën e zhdukjes së tij.

Sipas autoriteteve, në trupin e 27-vjeçarit u gjet një fragment plumbi, ndërsa policia vlerëson se autorët e kanë vrarë atë dhe më pas i kanë vënë flakën trupit.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI