Flash

Kush po i fiton komunat shqiptare në Maqedoninë e Veriut

Lapsi.al 2 November 2025
Kush po i fiton komunat shqiptare në Maqedoninë e Veriut

Në komunat e Maqedonisë së Veriut ku u zhvillua balotazhi këtë të diel kanë dalë rezultatet e para. Me 82,91% të votave të numëruara në Tetovë, Bilall Kasami i koalicionit VLEN, prin ndaj kandidatit të AKI-së me gati 4 000 vota më shumë. 

Në qytetin e Strugës, pas përpunimit të 85,15% të vendvotimeve, rezulton se kandidati AKI-së, Arsim Dalipi ka siguruar 10 141 vota, ndërsa kandidati i pavarur Mendi Qyra, ka marrë 10 206 vota.

Kjo tregon një diferencë shumë të vogël në favor të Mendi Qyrës, duke shënuar një avantazh të rëndësishëm për të në këtë fazë të procesit zgjedhor.

Në komunën e Dibrës, me 37,04% të votave të numëruara, kandidati i VLEN Fisnik Mela prin me vetëm 44 vota ndaj kandidatit të pavarur, Ramadan Imerit.

Në qytetin e Kërçovës, pas përpunimit të 56.30 % të vendvotimeve, rezulton se kandidati i BDI, Fatmir Dehari, ka siguruar 5.932 vota, ndërsa kandidati i VMRO‑DPMNE, Aleksandar Jovanovski, ka marrë 7.556 vota. Kjo tregon një diferencë prej 1.624 votash në favor të Jovanovskit. 

Me 57,26 të votave të numëruara në Studeniçan, Ejup Abazi i AKI-së prin ndaj kandidatit të pavarur Azem Sadikut, i cili u perkrah edhe nga VLEN.

Edhe në komunën e Bërvenicës ka garë tepër e ngushtë po zhvillohet mes kandidatëve Haqim Ramadani dhe Jovica Ilievski. Me rreth 87.50 % të votave të numruara, rezultati është: Haqim Ramadani: 3.527 vota ndërsa Jovica Ilievski: 3.427 vota.

Kandidatët janë në pritje të përfundimit të numërimit dhe shpalljes së rezultateve të plota. /LAPSI.al

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

15°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI