Sophie Turner ka treguar se marrëdhënia e saj me ish-bashkëshortin Joe Jonas është përmirësuar pas divorcit të tyre të vështirë.
Aktorja e “Game of Thrones” ka mbështetur publikisht albumin e ri të Joe Jonas, “Music For People Who Believe in Love”, duke ndarë një link të projektit në Instagram Story me mesazhin: “Go go @joejonas”.
Ky veprim vjen pasi çifti finalizoi divorcin në shtator 2024, pas një beteje të ashpër për kujdestarinë e vajzave të tyre, Willa (4 vjeç) dhe Delphine (2 vjeç).
Turner më parë kishte ngritur padi ndaj Jonas duke e akuzuar se po mbante pasaportat e vajzave, por më pas e tërhoqi padinë pasi arritën një marrëveshje për bashkëprindërim.
Ndërkohë, Joe Jonas ka zbuluar se kënga “Only Love” në albumin e tij të ri është frymëzuar nga përvoja e tij pas divorcit dhe fillimi i një marrëdhënieje të re.
Ai pranoi se rikthimi në botën e takimeve ishte i frikshëm, por një person i ri që po takonte i kishte thënë: “Është vetëm dashuri.”
“Po takoja dikë në atë kohë dhe isha në fazën e rifillimit të takimeve. Ishte vërtet frikësuese,” tha Jonas. Ai shtoi: “Dashuria merr forma dhe kuptime të ndryshme, dhe unë po e zbuloja sërish se çfarë ishte ajo për mua.”
Pas ndarjes, Sophie është parë me aristokratin britanik Peregrine Pearson, megjithatë, ka pasur spekulime për ndarje në prill 2025.
