Ndërsa Abel Tesfaye ( The Weeknd), feston premierën e filmit të tij të ardhshëm Hurry Up Tomorrow , ai ka folur për procesin e tërheqjes nga pseudonimi i tij artistik, një hap që e ka paralajmëruar prej kohësh.
“E kam nisur? Po, po shkoj drejt atij drejtimi,” – tha The Weeknd për People, ndërsa ndodhet në mes të një turneu koncertesh në stadiume në Amerikën e Veriut.
“Jam ende në turne, kështu që nuk mund ta lë plotësisht ende.”
Artisti foli edhe për marrëdhënien e tij me famën:
“Gjithmonë kam dashur që puna ime të ishte e famshme. Nuk e di nëse kam dashur ndonjëherë që unë vetë të jem i famshëm – kështu që atë pjesë nuk e kam zotëruar ndonjëherë, dhe as kam ndërmend ta bëj.”
“Është një situatë e çuditshme, por ja ku jemi, shtoi ai.
Në filmin Hurry Up Tomorrow, The Weeknd luan krah Jenna Ortega dhe Barry Keoghan.
Filmi është pjesë shoqëruese e albumit me të njëjtin titull, të publikuar në janar, ku përfshihen këngët: Timeless, São Paulo dhe Cry for Me.
Spekulimet për fundin e emrit The Weeknd nisën në dhjetor 2024, kur në qytete të mëdha u shfaqën billborde që shkruanin “The Weeknd Is Near”, por me tre shkronja të munguara që formonin frazën “The End Is Near”.
Disa ditë më vonë, ai publikoi një kolazh me të gjitha albumet e tij me mbishkrimin:
“The Weeknd / The End Is Near / 8 kapituj të bukur në këtë histori.”
