Kryeministri Edi Rama deklaroi se deri në vitin 2030, paga minimale në Shqipëri do të arrijë në 650 euro.
Gjatë një vizite në Roskovec, ai theksoi se, falë heqjes së taksave për biznesin e vogël, ky sektor ka përfituar çdo vit 66 milionë euro, të cilat më parë përfundonin në arkën e shtetit.
“Paga minimale sot është 400 euro, në janar të 2026 do jetë 500 euro. Objektivi është që në Shqipërinë 2030, paga minimale do jetë 650 euro. Paga mesatare në sektorin publik ishte 320 euro në 2013, sot është 848 euro, me të dhënat e fundit, paga mesatare është 2.6 herë më e lartë.
Bizneset e vogla, deri në 100 mijë euro, kanë taksë zero. 66 milionë euro i merrte shteti, duke i bërë uljen e taksës dhe TVSH në zero, këto 66 milionë euro në vit janë shpërndarë nga bizneset. Për bizneset deri në 140 mijë euro, edhe për to, 58 milionë euro në vit, nuk i ka marrë shteti, por ua ka lënë atyre”, tha ai.
