Fansat kanë kritikuar Oprah Winfrey për mënyrën si e trajtoi temën e ish-badhkëshortëve të Tina Knowles në episodin e fundit të podcast-it të saj “Oprah’s Book Club.
”Gjatë bisedës për kujtimet e Tina-s në librin e saj të ri “Matriarch,” Oprah e theksoi me ton të veçantë fjalën “ish-burrat” duke bërë një nënvizim të dukshëm të faktit që Tina ka pasur dy martesa të dështuara — me Mathew Knowles dhe më pas me aktorin Richard Lawson.
Kjo mënyrë e të shprehurit u cilësua si “e panevojshme” dhe “shpërfillëse” nga disa ndjekës në rrjete sociale.
Disa e akuzuan Oprah për sjellje të pavend dhe për përdorimin e jetës personale të të tjerëve për vëmendje.
Megjithatë, pati edhe nga ata që e mbrojtën Oprah, duke thënë se ajo dhe Tina janë mike të vjetra dhe se komenti ishte bërë në një kontekst më shoqëror.
Tina ishte e martuar me Mathew Knowles nga viti 1980 deri në 2011. Çifti kanë dy vajza së bashku: Beyoncé, 43 vjeç, dhe Solange, 38 vjeç. Ata u divorcuan për shkak të pabesisë së Mathew-it.
Më pas, Tina u martua me aktorin Richard Lawson në vitin 2015, por në vitin 2023 ajo kërkoi divorcin, duke përmendur "mosmarrëveshje të papajtueshme".
Në anën tjetër, gjatë promovimit të librit të saj, Tina zbuloi se vitin e kaluar u diagnostikua me kancer të gjirit në fazën e parë.
“Gjithmonë kam tentuar të kujdesem për veten. Thjesht... isha në mosbesim,” tha ajo për Gayle King në “CBS Mornings”.
