John Cena ka pranuar se ka bërë një transplant flokësh pas ngacmimeve nga fansat e WWE.
Gjatë një interviste në The Pat McAfee Show të hënën, mundësi i kthyer në aktor zbuloi se iu nënshtrua procedurës kozmetike nëntorin e kaluar.
Ndërsa John bëri shaka se linja e tij e flokëve ishte shumë e pakëndshme në fillim, ai është i kënaqur me rezultatet e deritanishme. Ai nisi të shpjegonte si fillim se kishte marrë flokë nga anët e kokës dhe i kishte “mbjellë” në majë, përpara se të zbulonte se “po fillojnë të dalin sërish”, siç ndodh gjatë kësaj procedure.
John kujtoi gjithashtu se si vendosi t'i nënshtrohej procedurës kozmetike pasi tallja u bë veçanërisht e ashpër gjatë ngjarjeve të profilit të lartë, të tilla si Royal Rumble, ku brohoritjet dhe talljet për flokët e tij ishin të shfrenuara.
"Jo, kjo nuk është e drejtë. Unë nuk mund ta kontrolloj këtë. I ndodh 7 prej 10 meshkujve. Ndokush prej jush mund të më kishte tërhequr mënjanë. Por jo, të gjithë bashkë bërtisni dhe më bëni të ndihem i vogël dhe më turpëroni. Ju nuk e dini si më bëri të ndihem. Ky është bullizëm i pastër. Nuk është aspak në rregull. Faleminderit që më bullizuat deri në transplant flokësh kirurgjikal. Ja ku më çuat. Ju falënderoj për këtë", u shpreh aktori.
