Flash

Shoku i Martin Canit i gatshëm të dëshmojë në gjykatë për vrasjen e 14-vjeçarit

Lapsi.al 27 March 2025
Shoku i Martin Canit i gatshëm të dëshmojë në

Luis Meçe, shoku i 14-vjeçarit të vrarë Martin Cani, ka folur për mediat duke deklaruar se është i gatshëm të dëshmojë në gjykatë dhe se kërkon drejtësi për ngjarjen tragjike që i mori jetën mikut të tij.

“Seancën nuk e kam përjetuar aq mirë. Duam drejtësi”, tha Meçe, i cili mbeti i plagosur gjatë sulmit. I pyetur nëse është i gatshëm të dëshmojë, ai u përgjigj: “Patjetër, gjithmonë.”

Gjykata e Tiranës ka vendosur kalimin për gjykim të çështjes penale ndaj të miturit Mario Përlleshaj, i akuzuar për vrasjen e bashkëmoshatarit të tij, Martin Cani. Vendimi u mor nga gjyqtarja Migena Laska, e cila pranoi kërkesën e prokurorisë për dërgimin e çështjes në gjykim.

Po ashtu, gjykata rrëzoi kërkesën e bërë nga avokati i të miturit për gjykim të shkurtuar, duke e çuar procesin në një gjykim të rregullt.

Mario Përlleshaj akuzohet për kryerjen e veprës penale “Vrasje në rrethana cilësuese” ndaj një të mituri dhe kundër dy ose më shumë personave, në dëm të Martin Canit dhe Luis Meçes.

Ngjarja ndodhi më 18 nëntor 2024, vetëm pak metra larg shkollës “Fan Noli” në Tiranë, ku pas një konflikti mes adoleshentësh mbeti i vrarë Martin Cani, 14 vjeç, ndërsa shoku i tij, Luis Meçe, u plagos.

I mituri Mario Përlleshaj ndodhet në institutin për të mitur në Kavajë. Në muajin dhjetor 2024 ai kundërshtoi masën e sigurisë “arrest me burg”, por më 10 shkurt 2025, Gjykata e Apelit e rrëzoi kërkesën për lirim, duke e lënë në fuqi masën “arrest me burg”.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

13°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI