Karla Sofía Gascón zbuloi se polemikat e saj të fundit në Twitter kanë ndikuar në shëndetin e saj mendor.
Në një deklaratë të dhënë për Hollywood Reporter aktorja e "Emilia Pérez" reflektoi mbi betejat me të cilat u përball pas rishfaqjes së postimeve të supozuara fyese në mediat sociale nga e kaluara e saj.
“Në këtë episod të fundit, më i përfoluri dhe më i ekspozuari i jetës sime, disa llogari të rreme u krijuan në emrin tim për të shtuar dhimbjen dhe konfuzionin,” pohoi Gascón.
“Më hodhën akuza absurde, madje edhe delirante, të cilat më lënduan thellë shpirtin. Gjërat u përshkallëzuan në një pikë, dhe aq shpejt, sa nuk mund të merrja as frymë.”
“Mes kësaj stuhie të papritur, shkatërruese, ka pasur momente kur dhimbja ka qenë aq e madhe sa kam menduar të pamendueshmen,” vazhdoi Karla. "Kam patur mendime më të errëta se ato që kam konsideruar në disa nga betejat e mia të mëparshme, jo më pak intime dhe personale."
Ajo shtoi tha se "tani që stuhia po qetësohet pak" ajo ka qenë në gjendje të "fillojë të shohë qartë atë që kam mësuar" përmes "momentit të errët" në jetën e saj.
“Fatmirësisht, e kam ruajtur mendjen time vetëm për të parë dritën në fund të këtij tuneli urrejtjeje dhe për të kuptuar se duhet të jem dhe të bëj më mirë dhe të korrigjoj gabimet e mia të së kaluarës, pa u përfshirë në më shumë errësirë,” tha ajo.
“Përndryshe, nëse luaj lojën e tyre, dhe ua kthej e përforcoj të gjitha ato që urrejnë të tjerët mbi mua, do të humbas; Unë kurrë nuk do të eci përpara dhe nuk do të jem në gjendje të vazhdoj të ndihmoj të tjerët ende të mbërthyer në stuhi.”
Aktorja gjithashtu kërkoi falje për "të gjitha ato që kam ofenduar në çdo moment të jetës sime dhe gjatë rrugëtimit tim".
