Morgan Freeman nderoi Gene Hackman në Oscars 2025 - vetëm disa ditë pasi aktori i "The French Connection" dhe gruaja e tij u zbuluan të vdekur në shtëpinë e tyre në Santa Fe, New Mexico.
Freeman, 87 vjeç, doli në skenë gjatë ndarjes së çmimeve të Oscar-it të 97-të të dielën në mbrëmje për t'i bërë një homazh të veçantë mikut të tij të ndjerë në një vazhdim të segmentit "In Memoriam" të shfaqjes në Teatrin Dolby në Los Angeles, Kaliforni. Freeman luajti së bashku me Hackman - dy herë fitues i Oskarit - në "Unforgiven" të vitit 1992 dhe "Under Suspicion" të vitit 2000.
"Këtë javë, komuniteti ynë humbi një gjigant dhe unë humba një mik të dashur, Gene Hackman," tha Freeman. "Kam pasur kënaqësinë të punoj së bashku me Gene në dy filma: "Unforgiven" dhe "Under Suspicion".
Ai më vonë tha se Gene gjithmonë thoshte: "'Unë nuk mendoj për trashëgiminë. Thjesht shpresoj që njerëzit të më kujtojnë mua si dikush që u përpoq të bënte punë të mirë.’ Kështu që, mendoj se flas për ne të gjithë kur them, Gene, do të kujtohesh për këtë dhe shumë më tepër.
“Pusho në paqe, miku im”, përfundoi Freeman.
Hackman, 95 vjeç dhe gruaja e tij, Betsy Arakawa, 65 vjeç, u gjetën të vdekur në shtëpinë e tyre së bashku me një qen të vdekur, të mërkurën, më 26 shkurt.
Sherifi i kontesë Santa Fe, Adan Mendoza, zbuloi se aktori dhe gruaja e tij kishte të ngjarë të kishin vdekur për të paktën nëntë ditë përpara se punonjësit e mirëmbajtjes të zbulonin trupat e tyre.
Mendoza konfirmoi gjithashtu se Hackman dhe Arakawa të dy rezultuan negativë për monoksid karboni dhe nuk treguan shenja të ndonjë traume të jashtme. Shkaqet e vdekjes së tyre do të përcaktohen në pritje të analizave shtesë. Një hetim është ende në vazhdim.
