Bebe Rexha ka reaguar së fundmi ndaj disa mediave, ndër to edhe Daily Mail pasi publikuan foto të saj në gjëndje të rënduar shëndetësore.
Përmea rrjetit të saj social. Instagram, Bebe tregoi se si fotografët e ndoqën dhe e fotografuan jashtë spitalit, ndërsa ajo kishte dhimbje në stomak.
“E di që është një foto e imja që po merr vëmendje për shkak të pamjes sime. Kam qenë në spital për tre ditët e fundit me një dhimbje të keqe në stomak dhe ajo ishte dita kur po hyja në spital. Kush rri jashtë një spitali për të fotografuar njerëzit që hyjnë?! Kur do të ndalojnë fotografët së përfituari nga gratë në momentet e tyre më të vështira?! Jam e tërbuar. As sëmurë s’mund të rrish e qetë,” shkroi Bebe.
Në një tjetër postim, ajo kritikoi publikisht Daily Mail dhe gazetaren Sonia Horon, duke e cilësuar artikullin e tyre manipulues.
“@dailymail, jeni vërtet të neveritshëm. Ju e dinit që ato foto ishin bërë jashtë spitalit. Kush fotografon njerëzit e sëmurë ndërsa hyjnë në spital dhe më pas e fokuson artikullin te pamja e tyre?! Pse nuk thatë që po hyja në spital?! Sepse e dini që është e gabuar. @soniahoron, veçanërisht si grua, duhet të ndihesh e turpëruar. Të neveritshëm!”.
