Olivia Hussey, aktorja e njohur për portretizimin e Zhuliet në dramën e vitit 1968 të Franco Zeffirelli , vdiq në shtëpinë e saj të premten.
“Olivia ishte një person i jashtëzakonshëm, ngrohtësia, mençuria dhe mirësia e pastër e së cilës preku jetën e të gjithë atyre që e njihnin”, thuhej në një deklaratë të postuar në faqen e mediave sociale të Hussey. “Olivia jetoi një jetë plot pasion, dashuri dhe përkushtim ndaj artit, shpirtërore dhe dashamirësi ndaj kafshëve.”
Aktorja me origjinë argjentinase mori famë kur ishte 15 vjeç dhe luajti në dramën kontroverse dy herë fituese të Oskarit "Romeo dhe Zhuliet" përballë Leonard Whiting që portretizoi Romeon.
Hussey fitoi një Golden Globe, por ajo nuk ishte e kënaqur me mënyrën se si produksioni i trajtoi skenat e ndjeshme ku Eisley dhe Whiting – të cilët ishin 15 dhe 16 – u filmuan nudo.
Sipas një padie për abuzim seksual të marrë nga CNN, aktorët pretenduan se Zeffirelli u tha adoleshentëve të atëhershëm se "ata duhet të shfaqen nudo ose projekti do të dështonte".
Mbi 55 vjet pas xhirimeve, interpretuesit nggritën një padi kundër Paramount Pictures dhe Criterion Collections për pubilikimin e skenës së zhveshur.
Hussey dhe Whiting sugjeruan që dy kompanitë e filmave përhapnin në mënyrë të paligjshme imazhet e tyre të zhveshura të paraqitura në një skenë gjumi, ndërsa rishpërndanin romancën e vlerësuar me çmime. Padia u rrëzua në tetor.
