Gjyqtarët në qytetin francez të Avignon do të japin vendime për 51 burra të enjten në një gjyq masiv për përdhunim që e ka kthyer një grua 72-vjeçare në një ikonë feministe. Për gati një dekadë, Gisèle Pelicot u drogua nga ish-bashkëshorti i saj Dominique, i cili më pas ftoi dhjetëra burra që ai kishte rekrutuar në internet për të bërë seks me të në shtratin e saj në shtëpi, ndërsa ajo ishte pa ndjenja dhe pa vetëdije. Dominique Pelicot ka pranuar të gjitha akuzat kundër tij – drogimin dhe përdhunimin e gruas së tij dhe rekrutimi i dhjetëra burrave për ta përdhunuar.
Prokurorët kërkojnë që gjyqtarët t’i japin atij dënimin maksimal prej 20 vitesh burg për përdhunim të rëndë. Pesëdhjetë nga 51 janë akuzuar për përdhunim të rëndë dhe tentativë përdhunimi.
