Kryeministri i Kosovës, Albin Kurti, ka thënë se pas sulmit terrorist të 29 nëntorit, në kanalin e Ibër-Lepencit janë konfiskuar armë, uniforma dhe pajisje të ndryshme. Kurti tha se janë gjetur emblema ruse dhe serbe të strukturave të inteligjencës, ushtrisë dhe sigurisë së Serbisë dhe Rusisë.
“Ky zbulim shqetësues dëshmon për përfshirjen potenciale të grupeve ekstremiste dhe terroriste serbo-ruse, me lidhje të forta në Serbi, që kanë për qëllim destabilizimin e Kosovës dhe krijimin e një mjedisi të pasigurt në rajon”, shkroi Kurti.
Tutje, kreu i qeverisë tha se stabiliteti dhe paqja në Ballkan kërkojnë një reagim të unifikuar dhe vendimtar kundër aksioneve terroriste dhe aktiviteteve destabilizuese që sipas tij, rrezikojnë sigurnië e përgjithshme dhe vlerat demokratike në rajon.
