Një aksident i rëndë është regjistruar mbrëmë një Leposaviç ku për pasojë kanë humbur jetën dy persona. Mësohet se viktimat janë të moshës 25-vjeçare. Të dy shoferët u përplasën me makina, teksa në gjendje të rëndë ndodhet edhe një person tjetër.
“Pesë minuta pas mesnate, ka ndodhur aksidenti dhe siç dyshohet sipas rezultateve paraprake të hetimeve, një automjet Audi 6 me targa të Beogradit ka kaluar në shiritin e kundërt të trafikut dhe është përplasur drejtpërdrejt me një automjet Peugeot, i cili po lëvizte në korsinë e tij”, ka thënë Munish Avdiu, shef i njësitit të komunikacionit në rajonin e PK-së në Veri.
Drejtuesit e të dy makinave kanë vdekur si pasojë e plagëve të rënda, kurse trupat e tyre të pajetë janë dërguar në Institutin e Mjekësisë Ligjore për obduksion. I lënduari është transferuar me urgjencë në spitalin e Mitrovicës.
