Vin Diesel ka konfirmuar së fundmi se filmi i ardhshëm i “Fast and Furious” do të jetë i fundit.
Në një postim në Instagram, Diesel u dërgoi një mesazh fansave, duke i falënderuar për entuziazmin dhe mbështetjen e tyre ndër vite.
Aktori shkroi: “Sapo mbarova takimin e Fast të fundjavës me shkrimtarët dhe të gjithë ekipin… të thuash se emocioni për finalen tonë ka qenë tepër i fortë është një nënvlerësim. Uau. Kaq emocionuese.
Ndërsa të gjithë po shkonin drejt fundjavës plot energji dhe emocione, mendova për ju të gjithë… M’u kujtuan herët e panumërta kur entuziazmi dhe pasioni juaj u bënë forca shtytëse e rrugëtimit tonë krijues. Përkushtimi juaj për sagën tonë ka pasur një ndikim unik në suksesin dhe evolucionin e saj… siç do të thoshte vajza ime më e vogël, është i thellë.
Faleminderit që jeni shtylla kurrizore e kësaj epike globale që falë jush shkon përtej ekranit. Kjo finale e madhe nuk është thjesht një fund – është një festë e familjes së jashtëzakonshme që kemi ndërtuar së bashku. Shpresojmë t’ju bëjmë krenarë!”, shkroi ai në Instagram./Lapsi.al
