Drake tronditi së fundmi fansat në Tampa, Florida, pasi ai refuzoi plotësisht të performonte duetin me Rihanna, "Work" në skenë.
Në vend të kësaj, ai i tha audiencës: "Unë nuk e këndoj më këtë këngë. Mund ta këndoni për mua".
Drake dhe Rihanna, kanë një histori të gjatë partneritetesh muzikore, duke krijuar këngë si "What's My Name?" dhe "Take Care". Megjithatë, pavarësisht deklaratave publike të admirimit të Drake për Rihannën, duke përfshirë një rrëfim dashurie në MTV VMA 2016, marrëdhënia e tyre mbeti platonike.
Por, thashethemet për ndjenjat dhe tensionin e pazgjidhur mes të dyve u rishfaqën me këngën e Drake të vitit 2023 "Fear of Heights", ku disa spekuluan se ai sulmoi Rihanna.
Tani, me lëvizjen e fundit të Drake në turne, fansat po komentojnë për qëllimet e tij. Ndërsa disa besojnë se është një përpjekje e vogël për të rindezur flakët e vjetra, të tjerë vënë në dyshim kohën dhe qëllimin e mbajtjes së këngës në setlist nëse ai nuk kishte ndërmend ta performonte.
"Drake është një personazh kaq interesant, por pse e shtoi atë në listën e parë", shkroi një përdorues në X, ndërsa dikush tjetër pohoi, "Ai lehtë mund ta hiqte këngën."
Një përdorues tjetër pyeti veten: "Askush nuk pyeti. Pse do ta kishte në listë nëse nuk do ta performonte?" "Rihanna është e martuar lumturisht me dy fëmijë dhe ai ende po sillet si fëmijët e shkollës së mesme?" deklaroi ai./Lapsi.al
