Shikuesit e Grammy 2024 kritikuan Taylor Swift për injorimin e Celine Dion në skenë pasi fitoi albumin e vitit për "Midnights".
Këngëtarja e "Anti-Hero" u takua me bashkëpunëtorët e saj Jack Antonoff dhe Lana Del Rey përpara se të merrte trofeun nga duart e legjendës së muzikës, e cila bëri një paraqitje surprizë në spektaklin e çmimeve të së dielës për të prezantuar çmimin përfundimtar të mbrëmjes.
“Taylor Swift duke injoruar plotësisht Celine Dion-in ” vëzhgoi një përdorues X. “Taylor Swift sapo mori trofeun e albumit të vitit nga Celine Dion dhe as nuk e pa në sy. Kaq e frikshme për shpirtin tim”, ka shkruar një tjetër.
Të tjerë menduan se ky moment do të jetë një njollë në trashëgiminë e Swift. "Taylor Swift nuk e meritonte çmimin pas situatës me Celine Dion ," tha një tjetër.
Edhe ylli i "Real Housewives of Potomac" Candiace Dillard kishte diçka për të thënë. “Nuk më pëlqen që Tay nuk e përshëndeti Celine. #GRAMMYs," shkroi Bravolebrity në X.
Personaliteti i medias dhe ish-korrespondenti i "The Ellen DeGeneres Show" Kalen Allen ndau gjithashtu një qëndrim mbi këtë çështje.
“Nuk dua të dëgjoj asnjë justifikim…sidomos pasi pamë se si Miley [Cyrus] veproi me Mariah [Carey] në fillim të shfaqjes. Kjo nuk ishte hera e parë e [Swift] në #GRAMMYs, por hera e katërt që fitonte këtë çmim”, shkroi ai. “Swifties mund ta mbështesin, por Taylor që përqafon të tjerët dhe në fund vepron sikur ajo artiste nuk është aty, është çmenduri.”/Lapsi.al
