Margot Robbie nuk mendon se do të ketë një vazhdim të filmit të suksesshëm, "Barbie".
"Unë mendoj se kemi dhënë gjithçka në këtë," tha Robbie së fundmi për Associated Press kur u pyet për një vazhdim të mundshëm. "Ne nuk e bëmë atë për të qenë një trilogji apo diçka tjetër." “Greta Gerwig vendosi gjithçka në këtë film, kështu që nuk mund ta imagjinoj se çfarë do të ishte më pas,” shtoi ajo.
"Barbie", në të cilën luajnë aktorët si Ryan Gosling, Will Ferrell, Helen Mirren dhe America Ferrera, ndjek kukullën popullore Mattel (Robbie) ndërsa ajo detyrohet të udhëtojë në botën reale.
Projekti ka fituar më shumë se 1.4 miliardë dollarë nga shitjet globale të biletave dhe ka rrëzuar "Harry Potter and the Deathly Hallows Part 2" si filmi më i madh i Warner Bros. "Potter" kishte mbajtur rekordin që kur u publikua në 2011. Që nga publikimi i tij në korrik, filmi ka nxitur kompanitë të publikojnë artikuj me temë "Barbie" dhe ka frymëzuar disa tendenca të TikTok."Barbie" gjithashtu ndodhet në vendin e 14 në listën e 15 filmave me fitimet më të larta të të gjitha kohërave./Lapsi.al
