Zyrtarët në Rio de Zhaneiro po hetojnë kompaninë Time for Fun, përgjegjëse për shfaqjet e Taylor Swift në Brazil, pas ndarjes nga jeta të një fanse 23-vjeçare, Ana Clara Benevides Machado.
Hetimi do të shqyrtojë raportet e fansave në lidhje me strukturën e vendit të ngjarjes dhe disponueshmërinë e ujit. Vdekja e fanses ndodhi në ditën kur temperaturat i kalonin 102 F, duke bërë që Swift të anulonte performancën e saj të së shtunës për shkak të temperaturave ekstreme.
Shfaqja u riplanifikua për të hënën, duke i dhënë përparësi sigurisë së fansave, interpretuesve dhe ekuipazhit. Ndërsa shkaku i vdekjes së Benevides Machado nuk është bërë i ditur, Time for Fun deklaroi se ajo nuk ndihej mirë në vendin e ngjarjes, mori ndihmë nga reaguesit e parë dhe më pas u transferua në spitalin Salgado Filho, ku ndërroi jetë.
Babai i saj, Weiny Machado, kërkon sqarime nëse të pranishmëve iu ndalua të sillnin ujë në shfaqje, pasi videot kapën fansat duke kërkuar ujë gjatë koncertit.
“Kam humbur vajzën time të vetme, një vajzë të lumtur dhe inteligjente”, tha ai për Folha de S.Paulo sipas People. "Ajo ishte gati të diplomohej për psikologji në prillin e ardhshëm. Nuk kam fjalë për të shprehur dhimbjen time. Ajo u largua nga shtëpia për të përmbushur një ëndërr dhe u kthye e vdekur."
Autoritetet pritet të thërrasin organizatorët e ngjarjes për dëshmi dhe po ndërmerren hapa shtesë për të hetuar rrethanat./Lapsi.al
