Festat e Sophie Turner thuhet se ndikuan që Joe Jonas, të divorcohej nga ajo.
“Asaj i pëlqen të festojë; Joe i pëlqen të qëndrojë në shtëpi. Ata kanë stile jetese shumë të ndryshme”, tha një burim për TMZ të martën, menjëherë pasi këngëtari i Jonas Brothers kërkoi zyrtarisht t'i jepte fund martesës katërvjeçare të çiftit.
Jonas paraqiti peticionin në Miami, duke deklaruar se martesa, është " shkatërruar në mënyrë të pakthyeshme". Muzikanti punësoi avokatin e famshëm Tom Sasser, i cili trajtoi në mënyrë të famshme divorcin e Tiger Woods, për ta udhëhequr atë përmes procesit.
Dokumenti i Jonas thotë se megjithëse dy vajzat e tij me Turner - Willa dhe vajza tjetër, emri i të cilës ende nuk e kanë bërë të ditur - kanë jetuar kryesisht me të, ai dëshiron "përgjegjësi të përbashkët prindërore" pas ndarjes.
Sipas dokumenteve, çifti i larguar ka një marrëveshje të hekurt paramartesore. The Blast ka raportuar se kandidati për Grammy do të "mbajë të gjitha të drejtat e tij nga muzika" që ai ka krijuar me vëllezërit e tij të kthyer në grup, Nick Jonas dhe Kevin Jonas, përveç çdo gjëje që ka fituar me grupin e tij tjetër, DNCE.
Ndërkohë aktorja thuhet se do të mbajë paratë që fitoi nga "Game of Thrones" dhe "çdogjë tjetër nga karriera e saj e aktrimit". Ata gjithashtu do të "mbajnë të drejtat për imazhin dhe bizneset që lidhen me statusin e tyre të famshëm", sipas medias. Sa i përket pronave të tyre, çdo shtëpi që është marrë para se të thoshin "po" thuhet se do të qëndrojë me pronarin e ligjshëm./Lapsi.al
