Casillas u deklarua 'gay', Puyol tenton të mbyllë historinë: "Krejtësisht e pavend, por pa qëllime të këqija"

Edhe Carles Puyol po përpiqet të mbyllë çështjen Casillas. Ish-mbrojtësi i Barcelonës dhe i kombëtares spanjolle ka kërkuar falje për postimin ironik në Twitter. Puyol komentoi gjoja 'coming out' të bashkatdhetarit të tij, më pas e fshiu: "Kam bërë një gabim - ishin fjalët e katalanasit -. Më falni për një shaka të shëmtuar, pa qëllime të këqija, krejtësisht e pavend. E kuptoj që mund të ketë lënduar disa ndjesi. Gjithë respekti dhe mbështetja ime për komunitetin LGBTIQA +." Të dielën, 'dalja hapur' përmes rrjeteve sociale e ish-portierit të Real Madrid kishte bërë bujë: “Shpresoj të më respektoni, jam gay”. Tweet-i më pas u fshi dhe menjëherë pas kësaj erdhi deklarata se ishte një hakerim. Edhe pse në Spanjë shumë e lexuan si një përpjekje të pavend të Casillas për t'iu përgjigjur me ironi thashethemeve të vazhdueshme për të dashurat e reja.

Me he equivocado. Perdón por una broma torpe sin ninguna mala intención y absolutamente fuera de lugar. Entiendo que puede haber herido sensibilidades. Todo mi respeto y apoyo a la comunidad LGTBIQA+

— Carles Puyol (@Carles5puyol) October 9, 2022

Puyol, rival historik në El Clasico, por shoqërues në betejat dhe triumfet me Spanjën, i ishte përgjigjur postimit. E bëri në Twitter me një ironi po aq të dyshimtë: "Ka ardhur koha të tregojmë historinë tonë, Iker". Më pas të dyja mesazhet u zhdukën nga rrjeti dhe dy ish-futbollistët kërkuan falje. Ndonëse në një mënyrë të ndryshme nga njëri-tjetri. Lexo më tej: Casillas trondit Spanjën: “Jam gay”. Puyol i përgjigjet: “Koha të tregojmë historinë tonë, Iker”

REAGIMI

Megjithatë, kjo çështje është e destinuar të krijojë debat për një kohë të gjatë. Australiani Joshua Cavallo, nënvizoi të gjithë zhgënjimin e tij për historinë, Ai në tetor 2021 ishte një nga futbollistët e parë profesionistë që deklaroi publikisht homoseksualitetin: "Çfarë zhgënjimi të shohësh Casillas dhe Puyol duke bërë shaka për të 'dalë hapur' në futboll - tha ai -. Ai i personave LGBTQ + është një rrugëtim i vështirë. Të shohësh legjenda si ata, që tallen me 'coming out' e komunitetin tim është krejtësisht mosrespektuese".

@IkerCasillas and @Carles5puyol joking and making fun out of coming out in football is disappointing. It’s a difficult journey that any LGBTQ+ ppl have to go through. To see my role models and legends of the game make fun out of coming out and my community is beyond disrespectful pic.twitter.com/Yp88aQyyTV

— Josh Cavallo (@JoshuaCavallo) October 9, 2022