Ylli i Paris Saint-Germain Kylian Mbappe, është një kampion i destinuar të dominojë skenën e futbollit botëror. E tani konfirmimi vjen nga Forbes. Falë veprimeve dhe golave të tij, francezi ia ka dalë të thyejë dominimin e Messit dhe Cristiano Ronaldos në futboll. Në pritje për të arritur numrin e trofeve dhe golave të tyre, ai tashmë i ka kaluar në një tjetër renditje: atë të futbollistit më të paguar në botë.
Lexo më tej: Lionel Messi kryeson listën e sportistëve më të paguar të Forbes për vitin 2022
Sipas vlerësimeve të Forbes, në sezonin 2022-2023 francezi do të fitojë 128 milionë dollarë. Kjo do të thotë 8 milionë më shumë se Messi dhe 28 më shumë se Cristiano Ronaldo. Një rezultat edhe më goditës po të kemi parasysh se argjentinasi dhe portugezi kanë zënë dy vendet e para në renditje që nga viti 2014. Ka një detaj që flet akoma më shumë, sipas Forbes. Kur Messi dhe CR7 thyen murin 100 milionë dollarësh në 2018, ishin 31 dhe 33 vjeç respektivisht. Mbappe e ka bërë këtë në moshën 23-vjeçare.
Një befasi, duke qenë se Lionel Messi ishte atleti më i paguar në botë gjatë 12 muajve të fundit, po sipas Forbes. Sensacioni i futbollit raportohet se do të sjellë fitime bruto para taksave prej 130 milionë dollarë në vit. Kjo nga ndjekjet e fansave në fushë dhe jashtë fushës, duke e mbajtur atë përpara lojtarëve si LeBron James dhe rivalin Cristiano Ronaldo në listën e më të pasurve.
