Flash

Video/ Në derbin e Avellanedas gjëra të paparë kurrë: lojtari shembet përtokë i goditur nga një... peshk

Lapsi.al 20 July 2022
Video/ Në derbin e Avellanedas gjëra të paparë kurrë:
Kohët e fundit ndodh të shohim gjithnjë e më shumë gjëra të pabesueshme brenda fushave të lojës. Nga stadiumet më të rëndësishme e deri te ato në periferi, në të vërtetë gjithçka mund të ndodhë në 90 minutat e çdo ndeshje. Por çdo herë tifozët dhe të apasionuarit nuk mund të mos habiten, sepse ndodh diçka jashtë çdo lloj logjike. E ajo që ndodhi në Argjentinë, gjatë derbit të pritur të Avellanedas mes Racing dhe Independientes, futet menjëherë në këtë seri. Shumë shpesh, veçanërisht në ndeshjet më të nxehta, tifozët ekzagjerojnë duke hedhur objekte në fushë: fishekzjarre, bomba tymuese, monedha, çakmakë apo çfarëdo që një tifoz i zemëruar gjen në duart e tij në ato momente. Por që edhe një peshk do të vinte nga tribuna, këtë askush nuk e priste. Kjo ndodhi në minutat e para të pjesës së dytë të Clasicos së Avellanedas, me ndjeshmëri të lartë në qytet, me rezultatin 1-0 në favor të vendasve. Papritur sulmuesi i Los Diablos Rojos, Leandro Fernandez, ra në tokë i goditur nga diçka nga tribuna e Cilindros. Por askush nuk do ta kishte imagjinuar se u godit nga një peshk… Peshku në fjalë u hodh me shumë forcë në drejtim të sulmuesit dhe me saktësi fantastike: Fernandez në fakt u godit plotësisht në fytyrë dhe u rrëzua direkt në tokë. Ndoshta edhe për të ekzagjeruar skenën, 31-vjeçarit i është dashur ndihmë mjekësore, edhe pse pas pak minutash është kthyer rregullisht në fushë pa shfaqur asnjë pasojë. Racing më pas arriti të mbrojë 1-0 (e shënuar nga Hauche me një goditje spektakolare në akrobaci) dhe të sigurojë derbin, por më shumë mundësi nuk do të jetë rezultati ai që do të mbetet i skalitur në mendjet e atyre që e ndoqën ndeshjen.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

13°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI