Kohët po ndryshojnë te Paris Saint-Germain. Jo aq sa i përket disbursimeve ekonomike dhe lëvizjeve, të cilat mbeten dhe do të mbeten të rëndësishme, sa në modalitete. Një shembull i drejtimit të ri Campos, në nivel sportiv, po përjetohet nga Interi për çështjen Skriniar. Klubi zikaltër duhet të bëjë një shitje të rëndësishme për arsye buxhetore dhe PSG ka gjetur mbrojtësin e duhur te sllovaku për tu përforcuar, duke vënë në tavolinë 60 milionë euro. Interi kërkon 70, por drejtuesit parisienë e kanë bërë të ditur se nuk janë të gatshëm të bëjnë rritje të mëtejshme të ofertës së tyre.
Disponueshmëria ekonomike nuk është problem, por pronësia e PSG-së, duke ndryshuar drejtimin sportiv, kërkoi dhe mori një ndryshim kursi në krahasim me të kaluarën: të kuptueshme shpenzimet kur duhet, por pa plotësuar asnjë kërkesë ekonomike përtej marrëveshjeve të arsyeshme.
Kjo është arsyeja pse Campos ka vënë në pritje negociatat me Interin, që kanë më shumë se një muaj që vazhdojnë. Oferta është dorëzuar dhe është 60 milionë euro, dhjetë më shumë se propozimi fillestar. Marrëveshja me lojtarin tashmë ekziston në bazë të një kontrate pesëvjeçare dhe duke qenë se Interi duhet të shesë një lojtar të të rëndësishëm, ky është pozicioni i fundit i francezëve. Ndryshe, siç është paralajmëruar, do të kalohet në një objektiv të ri.
Interi ka zbritur nga 80 milionët e kërkuara në 70, duke hedhur poshtë shkëmbimet teknike të propozuara nga PSG. Do të duhet një takim përfundimtar për të zhbllokuar situatën që u shërben të dyjave, për arsye të ndryshme.
