Ndeshja e Malaysian Super League mes Terengganu dhe Sri Pahang rrezikoi të shndërrohej në një sherr të vërtetë rruge. E kjo për shkak të mesfushorit të vendasve Faisal Halim, i cili pasi goditi dhe shënoi penalltinë e 2-0 provizor të skuadrës së tij (ndeshja përfundoi 2-1) e pa të arsyeshme të tallet me portierin kundërshtar, maliani Mamadou Samassa, duke imituar hedhjen e bërë nga ai pak çaste më parë. Një imitim që ka gëzuar dhe argëtuar tifozët në tribunë, por ai që nuk e shijoi fare padyshim që ishte portieri.
Portieri i Pahangut, duke kuptuar talljen që kishte pësuar nga kundërshtari, vrapoi menjëherë drejt tij për të bërë drejtësi. E nëse arbitri dhe lojtarët e tjerë nuk do të kishin nxituar ta ndalonin shtatlartin që kërkonte kontaktin e afërt, për "argëtuesin" Faisal Halim do të ishin telashe serioze, duke pasur parasysh ndryshimin shumë të dukshëm fizik mes të dyve.
That's one way to piss the goalie off ? pic.twitter.com/LLFNE7IHGg
— Dirty Footballer ? (@DirtyFootbaIIer) July 4, 2022
