Monza nuk ka ndërmend të ndalet. Pas firmës me Matteo Pessina, Silvio Berlusconi dhe Adriano Galliani po provojnë një tjetër goditje: të sjellin Edinson Cavani në Brianza. Sulmuesi 35-vjeçar përfundoi sezonin e tij të fundit me Manchester United dhe tani është i lirë. Ditët e fundit ka pasur një sondazh nga Salernitana, por uruguajani që në Itali ka luajtur më parë me Palermon dhe Napolin dëshiron të reflektojë me qetësi për të vendosur të ardhmen e tij. Lajmin e ka bërë të ditur Sky Sport, gjë që të bën të mendosh se ndoshta në lidhje me Icardin, një tjetër sulmues për të cilin Monza është e interesuar, klubi ka hasur pengesa.
Galliani është takuar me ndërmjetësuesit e lojtarit në orët e fundit, për të vlerësuar nëse ka realisht ndonjë mundësi për ta sjellë Cavanin te Monza. Alternativat në sulm, për bardhekuqtë, janë Andrea Petagna i Napolit dhe Andrea Pinamonti, dy negociata tashmë të ndërtuara, por që nuk kanë çuar në ndonjë zhvillim konkret deri më tani.
