Angli-Itali, është ndeshja e raundit të tretë të Ligës së Kombeve, por për anglezët është edhe mundësia e hakmarrjes për finalen e Europianit të humbur në Wembley. Këtë herë nuk do të luhet në impiantin ikonik të Londrës, por në Molineux në Wolverhampton, pa tifozë pikërisht për shkak të aksidenteve të shkaktuara në mbrëmjen e finales së Euro 2020. “Është e turpshme për ne të mos kemi tifozë - nënvizoi Southgate -, por edhe për Anglinë si komb”.
Edhe Anglia, në fund të fundit siç po bën Italia dhe disa ekipe të tjera kombëtare në këtë Ligë të Kombeve, do të zgjedhë të luajë me disa nga ata lojtarë më pak të përdorur. Një mënyrë për t'u dhënë atyre hapësirë dhe për t'i testuar në ndeshje të rëndësishme: "Të gjithë ata që kam në dispozicion mund të përdoren - komentoi Southgate -. Ne duam të shohim disa gjëra dhe duhet menduar për freskinë e ekipit pas një sezoni të lodhshëm. Kjo është një ndeshje e mirë për t'i dhënë një mundësi edhe të tjerëve, në një turne të nivelit të lartë, për t'i treguar besim dhe për të marrë përgjigje".
Një nga liderët e kursit të ri të anglezëve është Jack Grealish: "Ai pati një ndikim fantastik në grup, i pëlqen të luajë me ne si dhe në klubin e tij. Të qenit pjesë e një ekipi që fitoi Premier League e ka ndihmuar atë shumë dhe ka një mentalitet të madh”.
